304 B

About the Book: Jaise ki pustak ke sheershak se arth spasht hai Bharatiya dand sanhita (IPC) dhara 304 B dahej hatya se judi hai. Is dhara ke tahat agar kisi mahila ki shaadi ke saat saal ke andar dahej ki maang ko lekar uska sharirik ya aag se jalne jaise koi haadsa ho jata hai to use dahej hatya mana jata hai. Is mamle mein us mahila ke pati ya uske rishtedaar ko doshi mana jata hai. Yahi kahani hai lekhak ki jiske tahat usse apni patni ki aakasmik durbhagyapoorn mrityu ki peeda thi aur doosri taraf uske apne maa-pita tulya saas aur sasur ji ke jhoothe aaropon ke tahat jhaghnya aparadhiyon ke saath 4 saal jail mein rehna pada. Aur is kathin yatra ka sampoorn lekha-jokha usne is kitaab mein patni ke prati samarpan aur pyaar ka adbhut udaharan prastut kiya hai jo aise paristhitiyon se joojh rahe anek yuvaon ke liye bahut badi prerna banegi. Sach mein is adbhut prem ki jodi ko kisi ko buri nazar hi lagi hogi. About the Author: Is pustak ke lekhak adhyatma mein ruchi rakhne wale Shri Yogesh Dubey ji Ramayan aur Puranon ke prakhur vakta rahe hain. Gwalior se padhai karte waqt college ke dino mein inhone kai khitab apne naam kiye yahaan tak ki Ramayan mein lagatar jab tak yeh college mein rahe apna kabza banaye rahe aur log inhein Tulsidas ji ki tarah Yoga Das Dubey kehne lage. Sivil Engineering ki padhai karne ke baad inka kai sarkari aur gair sarkari companies ke saath kaam ka anubhav raha. Inhone kai multi-speciality aspataalon ka nirman karwaya aur antatah inhone Dilli NCR ke prasiddhi praapt multi-speciality hospital ke GM pad par rahkar apni sevaayein pradan ki. Durbhagyavash jise aspataal ka nirman inhone logon ki hifazat ke liye karwaya usi aspataal mein ilaaj ke dauran inki dharm patni ki mrityu ho jaati hai aur inhein jhoothe dahej haath ke aarop mein 4 saal khoonkhaar apradhiyon ke saath jail mein rehna padta hai. Jab haalaat badal jaate hain to kis prakar se nakaratmak log uska fayda uthane nahi chukte is drishya ko lekhak ne is pustak mein darshaane ki koshish ki hai.