आयुर्वेद व जडीबुटी

या पुस्तकात आपण आयुर्वेदिक जडीबुटी त्याचा इतिहास उपयुक्तता व औषधी उपयोग याचा उहापोह करणार आहोत. प्रत्येक लेखात आपण एक किंवा दोन जडीबुडींची सविस्तर माहिती घेणार आहोत. त्यांच्या विशिष्ट रोगावर पडणाऱ्या प्रभावानुसार व इतर उपयोगीतेच्या गुणांनुसार उहापोह करणार आहोत. शक्यतो सर्वाना माहिती असणाऱ्या जडीबुटींची माहिती देण्याचा प्रयत्न आहे. मागील अनेक पुस्तका प्रमाणेच हेही पुस्तक वाचकांना आवडेल अशी आशा आहे.आयुर्वेद हा संस्कृत भाषेतील शब्द असून त्याचा संधिविग्रह (आयुः) जीवन + विद्या (वेद) अशाप्रकारे होतो. आयुर्वेदाची सुरुवात ब्रह्मापासून झाली असे मानले जाते. हे आरोग्य आणि कल्याणाच्या सर्व पैलूंसाठी एक नैसर्गिक दृष्टीकोन देते. आयुर्वेद या कल्पनेवर आधारित आहे की प्रत्येक व्यक्तीमध्ये काही विशिष्ट जीवन शक्ती (दोष) असतात आणि विश्वातील प्रत्येक गोष्ट एकमेकांशी जोडलेली असते.