बारा सोनेरी पाने आणि डोंगरावरच्या कथा

जगात अनेक महान व्यक्ती होऊन गेल्या आताही आहेत पण त्यांचा सहवास आपल्याला लाभेलच असे नाही. आपल्या जीवनात घडणाऱ्या घटना आणि सहवासात येणाऱ्या व्यक्ती कळत-नकळत आपल्यावर संस्कार करत असतात. आपले जीवनमूल्य वाढवणाऱ्या जीवनमान सुधारणाऱ्या व्यक्ती आपल्या नेहमी लक्षात राहतात. तसे पाहता प्रत्येकाकडून काहीतरी शिकायला मिळते. ज्यांच्या वागण्याचा बोलण्याचा कार्याचा स्वभावाचा आदर्श घ्यावा अशा व्यक्ती आपल्या आजूबाजूलाच असतात आणि अशाच व्यक्तिंच्या सहवासातून निरीक्षणातून लेखक जे.डी. पराडकर घडले. या व्यक्तिरेखा आता त्यांच्या लेखणीत उतरून ‘बारा सोनेरी पाने आणि डोंगरावरच्या कथा’ या पुस्तकाद्वारे आपल्याला भेटायला आपलं मनोरंजन करायला आपल्यातला ‘माणूस’ जागवायला आणि प्रेरित करायला आल्या आहेत