Aag aur sapne meri hatheli par

Admi jab paida hota hai aur marta hai iske beech mein woh na jaane kya kya karta rehta hai aur uski ki gayi kartooten uske khate mein darj hoti hain. Main yeh nahi kehta ki kavitaayen unko sazaa dengi kavitaayen unke haq mein faisla dengi kavitaayen unhe sabak dengi ki kavitaayen badla lengi ki kavitaayen gyaan dengi ki kavitaayen un saari chintaon par dhyaan dengi jinse insaan ko takleef hoti hai. Aur kavitaayen aisa nahi hai ki asadhya rogon ka ilaaj karengi. Magar haan kavitaayen yeh kavitaayen admi ke chashme ko saaf karengi taaki woh door tak dekh sake ki kitna ujala hai aur kitna andhera kitna gehra hai aur kitna ooncha sannata ki kitna shor hai aur kitna spandan kitna krandan hai aur kitna atikraman