Aaranyakam

മനുഷ്യനെ അലോസരപ്പെടുത്തുന്ന ജീവിതബഹളങ്ങളിൽനിന്നും അവനെ ആനന്ദാനുഭൂതിയിലേക്ക് തിരിച്ചുവിളിക്കുകയാണ് ആരണ്യകം. ആരണ്യകത്തിലെ കഥാനായകൻ ഉൾഭയത്തോടെയാണ് താൻ ജോലി ചെയ്യേണ്ടുന്ന പൂർണ്ണിയയിലെ എസ്റ്റേറ്റിലെത്തിയത്. കാട് അയാളുടെ ഭയം തുടച്ചുകളയുന്നു; അതിൻറെ നിശ്ശബ്ദ സൗന്ദര്യത്താൽ അയാളെ കീഴ്പ്പെടുത്തുന്നു. തപസ്സിനോടടുക്കുന്ന ആത്മവിശ്രാന്തികൾക്കിടയിൽ കാടും മനുഷ്യനുമായുള്ള നിരന്തര വേഴ്ചകൾക്കിടയിൽ ബിഭൂതിഭൂഷൺ ജീവിതത്തിൻറെ അന്തസ്സത്തയും ശൂന്യതയും ഒരേപോലെ വെളിപ്പെടുത്തുകയാണ്. ദാരിദ്ര്യവും ഒപ്പം സന്പത്തും ആശ്ലേഷിച്ചു നിൽക്കുന്ന ജീവിതത്തിൻറെ വ്യത്യസ്ത മുഖങ്ങളിലേക്ക് ഈ നോവൽ വെളിച്ചം വീശുന്നു.