Agnigolam

മാലാഖയായും ചെകുത്താനായും ഇടചേര്‍ന്ന് ചേര്‍ച്ചകളും ഇടര്‍ച്ചകളും തീര്‍ക്കുന്ന വിധി. ഈ ചതുരംഗപ്പലകയില്‍ കരുക്കള്‍ നിരത്തിക്കൊണ്ട് അനുപാതങ്ങളുടെ ''പെര്‍മ്യൂട്ടേഷന്‍ കോമ്പിനേഷനുകളിലൂടെ'' നാടകം മെടയുന്നു ഇവിടെ നാടകക്കാരന്‍. സ്വാഭാവികഗതിയില്‍ ഞടുക്കമുണര്‍ത്തിക്കൊണ്ട് ജീവിതത്തിലെന്നതുപോലെ ഇടഭ്രംശങ്ങള്‍ പൊടുന്നനവേ സംഭവിക്കുന്നു. അപ്രതീക്ഷിതമായവയും പ്രതീക്ഷിക്കാവുന്നവയും തമ്മിലുള്ള അന്യോന്യത്തിന്റെ ദുര്‍ഘടങ്ങള്‍ മനുഷ്യരെ എന്നതുപോലെ തന്നെ കഥാപാത്രങ്ങളേയും വിറളിപിടിപ്പിക്കുന്നു. അതിനിടയില്‍ സ്‌നേഹമോഹസാന്ത്വനപ്രത്യാശകളുടെ പച്ചപ്പുകളും വ്യഥവിഹ്വലതകളുടെ അകച്ചങ്കു നീറ്റുന്ന നെരിപ്പോടുകളും യാഥാര്‍ത്ഥ്യത്തിന്റെ ലോലരൂക്ഷനിശിതസാക്ഷ്യങ്ങള്‍ക്ക് ഇടയൊരുക്കുന്നു. സമാപ്തി എപ്പോഴും ആഘാതമുണര്‍ത്തിക്കൊണ്ടാണ് അരങ്ങുണര്‍ത്തുന്ന പെരുമ്പറമുഴക്കം വേദിയെ നിറതുള്ളിക്കുന്നതിന്റെ നിശ്വാസതുടര്‍ച്ചയിലാണ് യവനിക.