Alfaaz: Prem Love Ishq Mohabbat

Jeevan ek khoobsurat kathin ghadi hai jiski suiyan humare ishaaron par kabhi nahi naachti parantu ye sada ek parikrama mein ghoomti rehti hain — kabhi shaitaniyon se bhara bachpan kabhi kuch naya kar guzarne ki lalach liye huye yauvan kabhi prem ras se dooba hua saawan aur ant mein dooriyan is prem yug se is jeevan se.Par dhyaan rahe bichhadna sabhi ko hai sabhi se — har us naayaab cheez se jise aap sabse zyada prem karenge ya nahi bhi karenge. Akaran bichhad jaana jeevan ki mithaas ko khatam kar jaata hai.Bichhadne se saansein to nahi rukti par vyakti mar chuka hota hai — aur is mrit shareer ke saath jeevan paryant saansein bharta rehta hai.Ye sabse kathin ghadi hoti hai.In kathinaiyon ke saath Ashutosh Kamal ne yah pustak likhi hai.Yeh un sabhi logon ke liye ek prem-patra hai jo apne prem se bichhadte hain ladte-jhagadte hain aur antatah thak haar kar door ho jaate hain.Jhagde prem ki nishani hai aur maana-manaana do premiyon ki pehchaan hai.Kisi se door ho jaane se sab kuch khatam nahi hota — prem to bilkul bhi nahi.Dooriyan hamare prem ko amar kar deti hain aur yeh yaadein saansein ban kar hriday ko dhadkaati rehti hain.