Ang mga Elgandre at ang Auramus

Ang magpinsang Mathivin Demurea at Henoris Fortis ay magkakaroon ng isang hindi pangkaraniwang panaginip (ngunit panaginip nga ba talaga iyon?) tungkol sa isang ginoo sa kagubatan na nag-uutos sa kanilang magtungo sa Higanteng Lawa. Dahil sa kuryosidad ng madalas mag-away na magpinsan sila ay dadalhin ng kanilang kapalaran sa isang mundong tinatawag na Kwartlen. Doon sila ay makikipagsapalaran kasama ang kanilang mga bagong kaibigan upang pigilang mangyari na maagaw ng nakasisindak na kaaway na Mallum ang kakatwang materyal na tinatawag na Auramus. Ngunit sa isang hindi inaasahang engkuwentro mas makikilala nina Mathivin at Henoris ang kakaibang hatid ng kadiliman sa kanilang kinabukasan.