Anvay: Meri Anubhutiyon ka Sankalan

Anvay mere mann ki bhaavnaon aur anubhavon ka sankalan hai — woh pal jinhone mujhe shabdon mein dhalne ki prerana samay-samay par di.Yeh sirf shabdon ka sangrah nahi balki mere hriday ki anubhutiyon ka ek dastavez hai.Is sangrah ka naam maine apne bade bete Anvay ke naam par rakha hai.Uski masoom muskaan jigyaasa aur jeevan ke prati nishchal prem ne mujhe jeevan ko naye rango mein dekhne ki drishti di.Anvay mere liye keval ek naam nahi balki ek ehsaas hai — jodne ka samajhne ka aur mehsoos karne ka.In kavitaon mein prem bhi hai peeda bhi aasha bhi sangharsh bhi — aur jeevan ko uski saadgi aur jatilta mein apnane ka ek saarthak prayas bhi.Yadi meri koi pankti aapke dil ko chhoo sake to wahi meri rachna ki sabse badi safalta hogi.Is yatra mein saath dene wale sabhi paathakon ka main hriday se aabhaar vyakt karti hoon