Avignamasthu

ഈ സത്കഥ വായിക്കുന്നവരുടെ മഹാപാപങ്ങള്‍ നശിക്കും മോക്ഷം ലഭിക്കും സത്പുത്രരുണ്ടാകും പക്ഷേ അക്ഷരം അറിയാത്തവരാണ് എന്റെ നാട്ടിലധികം. അവര്‍ക്കുവേണ്ടി ഇതു വായിച്ചു കേള്‍പ്പിക്കുന്നവര്‍ക്ക് അളവറ്റ പുണ്യം ലഭിക്കും. അവരാണു സുകൃതികള്‍. ഗ്രാമമദ്ധ്യത്തില്‍ ആല്‍ത്തറയിലോ അമ്പലമുറ്റത്തോ ചാണകം മെഴുകി വെടിപ്പും വരുത്തി നെയ്‌വിളക്കു കത്തിച്ചുവെച്ച് ഈ ഗ്രന്ഥം വായിക്കാവുന്നതാണ്. കുളിച്ചു കുറിയിട്ടു സപ്താഹമായി മുഴുവന്‍ വായിക്കാനാവാത്തവര്‍ ഒരദ്ധ്യായമോ ഒരു ഖണ്ഡിയോ വായിച്ചാ‍ലും മതി. എന്തെന്നാല്‍ ഇതു മനുഷ്യകഥയത്രെ. അതിനാല്‍ മനുഷ്യരാശിയുടെ മോക്ഷത്തിനുതകുമെന്നത്രേ ഗുരുവചനം.