Bhavon ka Indradhanush: Ek satrangi kavya yatra

Kavita bhavnaon ki goonj aur samvednaon ki abhivyakti hoti hai. Yah kavya sangrah prakriti ki adbhut sundarta naari sashaktikaran samaj ki jatil samasyaon aur deshbhakti ki bhavna ko shabdon mein pirone ka ek prayas hai.Prakriti ki lubhawani chhaviyon se lekar samaj ki katu sacchaiyon tak yah pustak bhavnaon ke vivid rangon ko samete hue hai. Naari ke sangharsh aur uske aatmasamman ki gatha in kaviton mein jeevant hoti hai. Samaj mein vyapt asamanataon visangatiyon aur badlav ki pukaar ko swar dene ka prayas kiya gaya hai. Saath hi deshprem aur balidan ki bhavna se ot-prot kavitayein pathakon mein rashtra ke prati nai urja bharne ka karya karengi.