Bishadajoga

<p>ମୃତ୍ୟୁ ପରେ ମତେ କେହି ଦୟା କରିବ</p><p>ନାହିିଁ ଅନୁଗ୍ରହ କରି । ଶୋକସଂତପ୍ତ</p><p>ପରିବାରକୁ ମୋର ସଂବେଦନଶୀଳ</p><p>ଶୋକ ଓ ସାଂତ୍ୱନାର ବାର୍ତ୍ତା ପଠାଇବନି</p><p>ସମ୍ବାଦପତ୍ରରେ ଅକ୍ଷରଟିଏ ଛପାଇବନି</p><p>ସ୍ମୃତି ସଭାର ଆୟୋଜନ କରିବ ନାହିଁ</p><p>ମୋ ଶ୍ରାଦ୍ଧବାର୍ଷିକୀ କି ଜୟନ୍ତୀ ପାଳିବ</p><p>ନାହିଁ ମୋର ଅପ୍ରକାଶିତ ପାଂଡୁଲିପି ସବୁକୁ ମୋ</p><p>ଚିତା ଭସ୍ମରେ ବିସର୍ଜନ ଦେବ କାହା</p><p>ପାଖେ ଭୁଲରେ ହେଲେ ବି କହିବ ନାହିଁ</p><p>ବିଷାଦଯୋଗର ଜଣେ କବି ଭଳି କବିଟିଏ ଥିଲା ।</p><p>ମୋର ଏଇ ଅଂତିମ ଅନୁରୋଧଟି ରଖିପାରିଲେ ଆତ୍ମା ମୋର ପରମ ଶାନ୍ତି ଲାଭ କରିବ ପରଲୋକରେ । ପରଲୋକଗତ ମଣିଷ ପାଇଁ ଦୟା ଅନୁକଂପା ଦେଖାଇବା ଚରମ ମୂର୍ଖତା । ନିରବରେ ତାକୁ ତା ବାଟ ଛାଡ଼ି ଦେବାର କଥା । </p><p>ନିରବତା ହିଁ ଏ ଜୀବନ ପାଇଁ ମୋର ସର୍ବଶ୍ରେଷ୍ଠ ଉପହାର । ଯଶ ସମ୍ମାନ ଭୋଗ ଏ୍ୟୌଶ୍ୱର୍ଯ୍ୟ ଉପଢ଼ୌକନ ଅଳଂକାର ପ୍ରତି ମୋର ଲୋଭ ନାହିଁ ମୋର କୌଣସି ଉଚ୍ଚାଶା ନାହିଁ ମୋହ ଦୁର୍ବଳତା ନାହିଁ । ଉତ୍ତର ପୁରୁଷମାନେ ମୋର ଅଜବ ଆଦର୍ଶରେ ଅନୁପ୍ରାଣିତ ନ ହୁଅନ୍ତୁ । ନିଜ ପାଇଁ ଯେଉଁ ଅଂଧାରିଆ ରାସ୍ତାଟି ମୁଁ ବାଛିନେଇଛି ଭୁଲରେହେଲେ ବି ବୁଡ଼ି ଯାଉଥିବା ଆଦିମ ସୂର୍ଯ୍ୟ ସେମାନଙ୍କର ଆଦର୍ଶ ନହେଉ । ନିଜର ଦୃଢ଼ ଆତ୍ମପ୍ରତ୍ୟୟ ଓ ବିଶ୍ୱାସକୁ ନେଇ ବଞ୍ଚନ୍ତୁ ସେମାନେ । ସେମାନେ ନୂଆ ଭାଷାରେ ନୂଆ ଶତାବ୍ଦୀର ଇତିହାସ ଲେଖନ୍ତୁ ।</p><p> ------ ଫନୀ ମହାଂତି ୧୩ ଡିସେମ୍ବର ୨୦୨୪ ଭୁବନେଶ୍ୱର</p>