CHARITRHIN / चरित्रहीन

Devi ki vaivahik jindgi ke 35 saal yaatnaaon se bharee lambee daastaan hai. badee beti ne shaadee se inkaar kar diyaa chhotee beti ki shaadi ek saal baad hee toot gaee aur wah ghar aakar baith gaee vahin betaa drugs kaa aadee ho gayaa. in sab kaa jimmedaar uskaa pati durjan thaa. devi ko lagtaa thaa is barbaadee kee jimmedaar wah bhee hai . yadi wo is gawaanr insaan se shaadee karne kee jaldee na kartee to shaayad ye din dekhne na padte. par wo kartee bhee kayaa ? uske saamne koee vikalp bhee naheen thaa . pitaa ke paas dahej dene kee haisiyat naheen thee to achchhaa jeevan saathee kahaan se miltaa ? khud ke paas intnee paarkhee najar naheen thee ki wah dekhte hee durjan ko parakh letee | use kyaa pataa ki uskaa hone waalaa pati uupar se to sareef par andar se khatarnaak bhediyaa thaa hameshaa uske rakt kaa pyaasaa aur use nochne ko taiyaar. sharaab peene ke baad to wah sachmuch ek raaxas ban jaataa thaa . uske maanaspatal par kitnaa jahar bharaa thaa kitnee kunthaa thee yah devi kaise jaantee ? devi kaa sabse badaa dosh yahee thaa ki wo durjan ke atyaachaar ko sahan kartee rahee use maaf kartee rahee aur balee chadhaa diyaa usne apnee khushiyon kaa ...........