Dareeche: Dastak Band Darvazo Ki

Dariche keval kavitaon aur ghazlon ka sankalan nahi balki bhavnaon ka ek aisa jharokha hai jahan se zindagi apne asli roop mein jhaankti hai. Yeh kitaab prem dard samaaj mohabbat sawaal aur aatm-manthan ke un sabhi pehluon ko samete hui hai jinhe hum aksar mehsoos to karte hain lekin shabdon mein bayaan nahi kar pate.Yeh meri likhi hui kuch khaas ghazlon aur kavitaon ka sangrah hai. Ismein maine apne jeevan ke un lamhon ko sametne ki koshish ki hai jo kabhi mujhse kuch keh sake. Meri koshish yahi rahi hai ki jab koi is kitaab ko padhe to use mehsoos ho ki woh sirf mujhse nahi balki kahin na kahin khud se bhi baat kar raha hai.Aksar maine duniya aur zindagi ke beech ki dooriyon ko kareeb laane ki koshish ki hai. Kuch panktiyaan samaaj ka sach bayaan karti hain to kuch man ke andar uthte sawaalon ki goonj hain. Yeh kitaab aapki purani yaadon ko taza kar degi bhoole-bisre lamhon ko phir se jeevant kar degi.Dariche sirf padhne ke liye nahi balki mehsoos karne ke liye hai—ek aisa jharokha jisse jhaankte hi koi na koi bhooli-bisri yaad koi ansuna ehsaas ya koi ankaha sawaal aapke saamne aa khada hoga.Dariche—kholiye jhaankiye aur mehsoos kijiye.