Dil ke jharokhe se Kuch unkahi baatein

Yeh pustak pratyek varg ki bhavnaon ko abhivyakt karti hai. Sangharsh karti naari maa behen tatha ek pita ke prati putri ki bhavnaon ko vyakt karti hai to kahin zindagi se rubaru karwati hai. Kahin corona ke bhayavah roop se na ghabrakar aage badhne ke liye protsahit karti hai to kahin apne college ke dino ko sanjoke rakhne ka ehsaas bhi dilati hai. Ise bahut hi saral bhasha mein likha gaya hai taaki har koi ise aasani se samajh sake. Pustak mein vichar tathya aur udaharan diye gaye hain taaki pathak kuch naya seekh saken. Yeh pustak har vyakti ki bhavnaon ka shabdon ke madhyam se ek sajeev chitran hai.