Gavshivar

गावशिवार या पुस्तकातील ललित लेखांचा आशय मुख्यत: माणसाच्या जाणिवांशी जोडलेला आहे. गाव माती शिवार निसर्ग सृष्टी ऋतु प्राणी पक्षी आणि त्यांच्यासोबत माणसाचं जगणं आविष्कृत करणारे हे सर्व लेख आहेत. संवेदनशीलता हा या सर्व लेखनाला व्यापून असणारा महत्वाचा घटक आहे. हाडामांसाची माणसे ही या सर्व लेखनात आहेत. अशा माणसांची कहाणी लेखकाच्या लेखणीतून आकाराला आलेली आहे. लेखकाची भाषाशैली सहज आणि प्रवाही आहे. माणसाने माणसाशी गूज करावे अशा शैलीतील हे लेख आहेत. लेखकाविषयी माहिती : डॉ. केशव सखाराम देशमुख हे प्रसिद्ध कवी मराठीतील समीक्षक प्रसिद्ध व्याख्याते आणि बोलीभाषांचे विख्यात अभ्यासक म्हणून सर्वदूर परिचित आहेत. कविता भाषा समीक्षा बोली ह्या चार महत्त्वाच्या क्षेत्रांत लेखन आणि संशोधन ही डॉ. देशमुख यांची प्रधान ओळख मानली जाते. तसेच महाराष्ट्र शासनाच्या सुलभ व्यवहार-कोश समितीचे अध्यक्ष आणि सरकारच्या भाषा सल्लागार समितीचे तज्ज्ञ सदस्य म्हणून कार्यरत आहेत. अध्यापन-संशोधनाचा पस्तीस वर्षांचा अनुभव असलेले डॉ. देशमुख नांदेडस्थित स्वामी रामानंद तीर्थ मराठवाडा विद्यापीठात वरिष्ठ प्राध्यापक आणि मराठी विभागाचे प्रमुख म्हणून कार्य करतात.