Khayaalon ke daaman mein

Is sangrah ki kavitaayen kisi darpan ki tarah hain jismein paathak khud ko bhi dekh sakte hain aur us stree ko bhi — jo kabhi maa hoti hai kabhi premika kabhi beti kabhi ek akeli sakht chattaan-si aur kabhi andar hi andar behne wali ek nadi.Yeh kavitaayen na to shor karti hain na updesh deti hain — yeh bas dheere se paathak ke kandhe par haath rakh kar kehti hain ‘Main bhi yahin hoon — tumhari tarah sochti sehti sambhalti aur phir muskuraati hoon.’Renu ‘Anshul’ ki lekhni mein shabdon ki ek alag hi aatma hai. Woh jeevan ke aam palon ko asadhaaran samvedna ke saath rachti hain — kahin prem ki sondhi gandh hai to kahin samaaj ki kathor saansen.Rishton ki uljhanon mein sulajhti aatma aur khamoshi mein bolti stree — isi sangrah ki kendriya samvedna hai