कामस्वास्थ्य (Kaamasvaasthya)

पुस्तक परिचयआपल्या शारीरिक आरोग्याबाबत प्रत्येक जण जागरूक असतो; मात्र ही जागरुकता मानसिक व लैंगिक आरोग्याबाबत दिसून येत नाही. भारतात लैंगिक आरोग्याबाबत बोलायला अजूनही लोक संकोचतात. बहुतांश घरांमध्ये 'सेक्स' हा विषय निषिद्ध समजला जात असल्याने या विषयावर मोकळेपणाने चर्चा होत नाही. या विषयावर खुलेपणाने चर्चा होत नसल्याने तरुण मुला-मुलींमध्ये लैंगिकतेविषयी गैरसमज वाढू लागतात. खरे तर मुलांना शालेय जीवनातच लैंगिक शिक्षण देणे गरजेचे आहे. विद्यार्थ्यांना शालेय जीवनात लैंगिक शिक्षण मिळाल्यास त्यांच्या मनातील लैंगिक गैरसमज दूर होऊन लैंगिक आरोग्य चांगले राहण्यास मदत होईल. लैंगिक आरोग्याचे महत्त्व ध्यानात घेऊन लैंगिकतेकडे आणि लैंगिक संबंधांकडे सकारात्मक दृष्टिकोनातून पाहायला हवे. त्यामुळे पती-पत्नींमध्ये आनंददायक व सुरक्षित लैंगिक संबंध प्रस्थापित होऊन लैंगिक आरोग्य चांगले राहण्यासाठी मदत होते. 'कामस्वास्थ्य' या पुस्तकामुळे वाचकांच्या मनातील लैंगिक गैरसमज दूर होऊन त्यांचे लैंगिक आरोग्य सुधारण्यास निश्चितच मदत होईल. तसेच लैंगिक आरोग्य चांगले राहिल्यास पती- पत्नीचे नातेसंबंध सुदृढ राहण्यास निश्चितच मदत होईल. लोकांमध्ये लैंगिक आरोग्याबाबत जागरूकता निर्माण करण्यात हे पुस्तक निश्चितच महत्त्वाची भूमिका बजावेल यात शंका नाही.लेखक परिचयडॉ. राजसिंह सावंत हे कोल्हापूरमधील प्रसिद्ध लैंगिक समस्यातज्ज्ञ असून गेल्या २० वर्षापासून वैद्यकीय व्यवसायात आहेत. डॉ. सावंत हे 'ऑनलाईन कन्सल्टंट' म्हणून अनेक आघाडीच्या ऑनलाईन प्लॅटफॉर्मशी निगडित असून देश-विदेशातील शेकडो रुग्णांनी त्यांचे ऑनलाईन कन्सल्टेशन घेतलेले आहे. डॉ. राजसिंह सावंत हे यश हॉस्पिटल बेळगाव आणि ट्रिनिटी हॉस्पिटल पणजी (गोवा) येथे 'व्हिजिटिंग सेक्सॉलॉजिस्ट' म्हणूनही कार्यरत आहेत.'कौन्सिल ऑफ सेक्स एज्युकेशन अँड पेरेंटहूड इंटरनॅशनल' या संस्थेचे ते माजी जॉईंट सेक्रेटरी आहेत. डॉ. राजसिंह सावंत हे 'अमेरिकन कॉलेज ऑफ सेक्सॉलॉजी' या संस्थेचे 'सर्टिफाईड सेक्सॉलॉजिस्ट' आहेत. 'एशिया ओशनिया फेडरेशन ऑफ सेक्सॉलॉजी' या आंतरराष्ट्रीय संस्थेचे ते कार्यकारिणी सदस्य आहेत. डॉ. राजसिंह सावंत यांनी पहिली राज्यस्तरीय कामविज्ञान परिषद २०१९ साली कोल्हापूर येथे आयोजित केली होती. डॉ. सावंत यांना अनेक पुरस्कार प्राप्त झालेले असून २०२१ साली त्यांना 'बेस्ट सेक्सॉलॉजिस्ट ऑफ दि ईयर' हा पुरस्कार प्रदान करण्यात आला. विविध नियतकालिकांमधून डॉ. सावंत यांचे लेख प्रसिद्ध झाले असून दोन पुस्तकेही प्रकाशित झालेली आहेत.