Kadaisi Kalavu

<p>உன் பெயர் என்னப்பா?</p><p></p><p>அவசியம் தெரியவேண்டுமா?</p><p></p><p>இதிலென்ன கோபம்? பெயர் என்ன என்றுதானே கேட்கிறேன்! வேறென்ன கேட்டுவிட்டேன்!</p><p></p><p>எதை வேண்டுமானாலும் கேளேன்; எனக்கென்ன? என் பெயர் ஏகாம்பரம்</p><p></p><p>நிஜமாகவா? ஏகாம்பரம் என்பதா உன் பெயர்!</p><p></p><p>ஏன் பிடிக்கவில்லையா அந்தப் பெயர்? சரி சதாசிவம்! இந்தப் பெயர் பிடிக்கிறதா?</p><p></p><p>அழகாகத்தான் இருக்கிறது சதாசிவம் என்பது. ஏகாம்பரம் என்ற பெயரும் நல்ல பெயர்தான். நான் உன் பெயரை அல்லவா கேட்கிறேன்!</p><p></p><p>ஓஹோ! ஏகாம்பரம் சதாசிவம் என்பவை என் பெயர் களல்ல - அப்படியானால் என்ன பெயரிட்டு வேண்டுமானாலும் என்னை அழைத்துக் கொள்ளய்யா! உனக்கு விருப்பமான பெயர் என்னவோ அதைக் கூறிக்கொள்.</p><p></p><p>அதுவும் நல்ல யோசனைதான்! மாடசாமி என்ற பெயர் உனக்குப் பிடிக்கிறதா?</p><p></p><p>மாடசாமியா... என் பெயர் எப்படி உனக்குத் தெரிந்தது?</p><p></p><p>உன் பெயர் மாடசாமியா? நான் வேடிக்கையாகக் கேட்டேன் அது உண்மையாகி விட்டதே! மாடசாமி என்பது தான் உன் பெயரா? ஆருடக்காரன் போலல்லவா நான் கூறிவிட்டேன். ஏதேது; நான் சொல்வதெல்லாம் அப்படியப் படியே உண்மையாகிவிடும் போலிக்கிறதே தேவவாக்கு என்கிறார்களே அதுபோல! மாடசாமி...!</p><p></p><p>என்னய்யா மளமளவென்று எதை எதையோ பேசிக் கொண்டே போகிறாய் பெரிய அறிவாளி அனுபவசாலிபோல! சுத்த வெகுளியல்லவா நீ! வெளுத்ததெல்லாம் பால் கருத்த தெல்லாம் தண்ணீர் என்று நம்பிவிடும் ஏமாளி.</p><p></p><p>அதென்ன அவ்வளவு அலட்சியமாகப் பேசிவிடுகிறாய் என்னைப் பற்றி? உன் பெயர் மாடசாமி என்று நான் சொன்னது உண்மையாகி விட்டதா இல்லையா! அதே போலத்தான் நான் சொல்வது அவ்வளவும் உண்மையாவி விடும்.</p><p></p><p></p>