Kasar - Kavita Sangrah Raas / कसर - कविता संग्रह रास

tinaka tinaka alfaazon ko sametakar ek mahafil sajaee hai mainne muktak kavita gazalon se ek haseen duniya banaee hai | kasar - kavita sangrah raas mere dvaara likhit doosaree aur pahalee hindee pustak hai | pichhale kuchh varshon se kavitaayen muktak nazm shaayaree va vaktrta karane ke pashchaat jo kachcha anubhav mainne praapt kiya tab mujhe ek baat samajh aayee kee aaj kee duniya mein jitane log hain usase das guna zyaada unakee pareshaaniyaan hai | aur in pareshaaniyon kee ek vajah unaka apane vichaar na vyakt kar paana bhee hai | mujhe lagata hai ki kavitaayen va muktak likhana aur padhana ek bahut saadhaaran kintu prabhaavashaalee kriya hai | kavitaayen insaan ko apanee soch ka vistaaran karane ka mauka detee hai | yah khud mein hee ek therepee hai | chaahe praacheen kaal ho chaahe aadhunik kaal kavitaon ne manushy ke jeevan kee us kasar ko pooree karane kee koshish karee hai jise vo apane jeevan mein kathinaee kahata hai | isee shrankhala mein mera ek chhota sa yogadaan/koshish hai kasar -kavita sangrah raas | aasha hai paathak ke jeevan kee kuchh kasar pooree karane mein yah raas saksham ho |