KASHMIR ENTE REKTHACHANDRIKA

ശ്രീ. രാഹുൽ പണ്ഡിതയുടെ Our Moon has Blood Clots-ന്റെ മലയാ ളഭാഷാവിവർത്തനം ചെയ്‌ത്‌ ഞാനിവിടംവരെ എങ്ങിനെയെത്തി എന്നു പറയാം. 1984-ൽ തുടങ്ങിയതാണ് എൻ്റെ കാശ്‌മീർബന്ധം. 1984-86 കാലഘട്ടത്തിൽ ജോലിയുമായി ബന്ധപ്പെട്ട് കാശ്‌മീർ സന്ദർശിക്കുന്നു. അത് കാശ്മീരിനെയും കാശ്‌മീരികളെയും കുറിച്ച് കൂടുതൽ പഠിക്കാൻ ഇടയാക്കി. ആ പഠനത്തിൻ്റെ ഒരു ഘട്ടത്തിൻ്റെ അവസാനമാണ് ഈ പരിഭാഷ. ഇത് സമകാലിക ഇന്ത്യയുടെ ചരിത്രമാണ്. നമ്മുടെ രാഷ്ട്രീയക്കാ രും മുഖ്യധാരാമാധ്യമങ്ങളും പാടാത്ത കുറച്ചുമാത്രം ചർച്ചചെയ്ത വിഷയം. ദശാബ്ദങ്ങൾക്കുള്ളിൽ ഒരു ജനതയുടെ അംഗസംഖ്യയിൽ പത്തുശതമാനത്തിൻ്റെ കുറവ്! ഏറ്റുമുട്ടാത്തവർ എല്ലാം ഉള്ളിലടക്കി; എല്ലാം വലിച്ചെറിഞ്ഞ് ജീവനുംകൊണ്ട് ഓടി രക്ഷപ്പെട്ടവർ; രാത്രിയു ടെ ചതിവിലും പകൽവെളിച്ചത്തിലും മാനഭംഗത്തിനിരയായ സ്ത്രീ കൾ; നിഷ്ക്കരുണം നിർദാക്ഷിണ്യം വധിയ്ക്കപ്പെട്ട കുട്ടികൾ; തന്റെ ഊന്നുവടിയായ മക്കളെ നഷ്ടപ്പെട്ടിട്ടും ജീവിക്കാൻ ധൈര്യം കാട്ടുന്ന അമ്മമാർ; മക്കളുടെ വിയോഗം താങ്ങാനാവാതെ ഭ്രാന്തരായ മാതാപി താക്കൾ! ഇവിടെ ഏറ്റവും ലഘുവായൊരു ചോദ്യം - ഇതാണോ ജനാ ധിപത്യം? ഇതാണോ മതേതരത്വം? . സഹിഷ്ണുതയെക്കുറിച്ച് ഘോരഘോരം പ്രസംഗിയ്ക്കുന്നവരോട് ഒരു ചെറിയ അഭ്യർഥന. നിങ്ങൾക്കിതു കേൾക്കാൻ മനസ്സുണ്ടാവണം. പരാജിതരുടെ പാടേ തോറ്റ എൻ്റെ സഹോദരങ്ങളുടെ ഈ ചരി ത്രം കാശ്മീരിൽ കൊലചെയ്യപ്പെട്ട ഓരോ കാശ്‌മീരിപണ്ഡിറ്റിന്റെയും ഓർമയ്ക്കുമുന്നിൽ എന്നെ മൂകനാക്കുന്നു. നിങ്ങളോട് മാപ്പുപറഞ്ഞാൽ തീരാത്ത ഈ മഹാപരാധത്തിന് ക്ഷമ ചോദിക്കുന്നതിന്റെ ഭോഷ്ക് എനിക്കറിയാം. ഈ പലായനത്തിലും അതിനുമുമ്പും പിമ്പും വേദന അനുഭവിച്ച അനുഭവിയ്ക്കുന്ന കാശ്‌മീരി പണ്ഡിറ്റുകളോട് കുറച്ചെങ്കി ലും മലയാളി മതേതരമനസ്സിനു ദയതോന്നാൻ എൻ്റെ ഈ സാഹസം കാരണമാകട്ടെ എന്ന പ്രാർഥനയോടെ