Kavya Guldasta: Satrangi rachnaein

Yeh kitaab vibhinn vishayon par likhi kavitaon ka ek guldasta hai. In rachnaon mein maine jeevan moolyon aur hamari sanskriti ko saral bhaasha mein prastut karne ka prayaas kiya hai. Kavita ek aisa maadhyam hai jo hamari bhaavnaon vicharon aur anubhavon ko shabdon mein piroti hai. Hum sabke andar ek aantarik sansaar hota hai jo ankahay vicharon aur anchhui bhaavnaon se bhara hota hai. Aisi hi kuch ankahi kalpanaon aur vicharon ko maine in rachnaon ki shakal mein ujagar karne ki ek koshish ki hai. Yeh rachnaayein mere dil ke bahut kareeb hain aur mujhe vishvaas hai ki yeh aap sabke dil tak bhi zaroor pahunchengi.