KELUETTAN [കേളുഏട്ടൻ]

അജയ്യനായ പോരാളിയായിരുന്നു കേളുഏട്ടന്‍. ദേശീയപ്രസ്ഥാനത്തിന്റെ അഗ്നികുണ്ഡത്തിലേക്ക് അദ്ദേഹം സധൈര്യം എടുത്തുചാടി. സമരങ്ങളിലൂടെ ഉരുകിയുറച്ച ആ വിപ്ലവകാരി കോണ്‍ ഗ്രസ് സോഷ്യലിസ്റ്റ് പാര്‍ട്ടിയുടെയും കമ്യൂണിസ്റ്റ് പാര്‍ട്ടിയുടെയും ഉന്നതനേതാവായി വളര്‍ന്നു. പോരാടിയും പഠിച്ചും പഠിച്ച അറിവ് ജനസമൂഹത്തില്‍ പ്രയോഗിച്ചും വീണ്ടും അറിവുനേടിയും അദ്ദേഹം മുന്നേറി. അറിവ് വിപ്ലവത്തിന് അനിവാര്യമെന്നറിയുന്ന വിപ്ലവകാരിയായിരുന്നു അദ്ദേഹം. ജനങ്ങള്‍ക്കിടയില്‍ പ്രവര്‍ത്തിച്ച് അദ്ദേഹം ജനങ്ങളുടെ ധീരനേതാവും അവരുടെ കേളുഏട്ടനുമായി.