Kishkindhayile Rajavu

പ്രണയനിരാസം ഉള്ളില്‍ കനല്‍പോലെ എരിഞ്ഞു. അതു പകയുടെ ആയുധം രാകിമൂര്‍ച്ചപ്പെടുത്തി. തന്ത്രങ്ങളും ചതിയും കൈക്കരുത്തിനു പുതിയ അഭ്യാസമുറകള്‍ ചമച്ചു. പ്രണയവും വിരഹവും കലഹവും സംഹാരഭാവത്തിലേക്ക് പരിണമിച്ചു. പക്ഷേ കിഷ്—കിന്ധയുടെ കാവലാളായ അജയ്യനായ ബാലിയുടെ മനസിലെ പടനീക്കങ്ങള്‍ ആരും അറിഞ്ഞില്ല... യുദ്ധം പശ്ചാത്തലമായ ഈ നോവല്‍ സഞ്ചരിക്കുന്നത് ത്രസിപ്പിക്കുന്ന മുഹൂര്‍ത്തങ്ങളിലൂടെ. രാമായണ കഥയിലെ സങ്കീര്‍ണ്ണമായൊരു സഹോദരബന്ധത്തെ തലനാരിഴകീറി പരിശോധിക്കുമ്പോഴും തുടക്കക്കാരന്റെ തിടുക്കമില്ലാതെ തികഞ്ഞ കൈയൊതുക്കത്തോടെ ലളിതവും ചടുലവും ഹൃദയാവര്‍ജ്ജകവുമായി കഥ പറയാന്‍ ഈ നോവലിസ്റ്റിനു കഴിഞ്ഞിരിക്കുന്നു.