Kisse gharelu ishq ke

In kisson ko apni diary mein sahejne ki benaam koshishen ki thi maine. Tab kabhi socha bhi nahi tha ki kisi roz in kisson ko yun jag-jahir kar paungi. Ye qisse mere jeevan ke wo khubsurat pal hain jine aadha maine jiya hai aur aadhe mein prem ki chaashni to kabhi masaale mila kar aapko paros rahi hoon.Ye kahaniyan shuru hui mere ishq mein padne se. Khaas baat ye rahi ki is ishq mein pade dil ne bade taake sahe hain kitni baar toota hai kitni baar sambhla hai. Lekin ab jo ye pada hai pyaar mein to bada suljha sehmaa lekin taakatwar sa prateet hota hai.Shayad aapka sawaal ye ho ki kitab ka naam 'Gharelu' kyon? Gharelu ka maayne aksar hum saadharan samajhte hain – seedha suljha saral sa. Bas aisa hi hai ye ishq.