Kundalatha Novelpazham

1887ൽ പ്രസിദ്ധീകരിച്ച നോവലാണിത്. ആദ്യത്തെ ലക്ഷണമൊത്ത നോവലാണ് ഇന്ദുലേഖയെങ്കിൽ മലയാളത്തിലെ ആദ്യത്തെ നോവലാണ് കുന്ദലത. പ്രാചീന മലയാളത്തിൽ അവതരിപ്പിച്ചിരിക്കുന്നത് മൂലം സംഭാഷണങ്ങളിൽ അല്പം വിരസത അനുഭവപ്പെട്ടേക്കാം. ചെറിയ പദ്യ ശകലങ്ങളും ഇവയിൽ ഉൾപ്പെടുന്നു. രാജ്യവും യുദ്ധവും പ്രണയവും സൗഹൃദവും ഈ നോവലിൽ നിറഞ്ഞുനിൽക്കുന്നു. വായനയിൽ പലപ്പോഴും അപൂർണ്ണത അനുഭവപ്പെടുന്നുണ്ട്. കുന്ദലത എന്ന തലക്കെട്ട് വായിക്കുമ്പോൾ അവരാണ് നായിക എന്ന് തോന്നിയേക്കാം. പക്ഷേ സ്വർണ്ണമയി എന്ന കഥാപാത്രത്തിന് ഇതേ പ്രാധാന്യം തന്നെ കൊടുത്തിട്ടുണ്ട്. താരാനാഥനും കുന്ദലതയും പ്രതാപചന്ദ്രനും സ്വർണമയിയും പ്രണയവും ഇവരെല്ലാം തമ്മിലുള്ള ബന്ധവും പുസ്തകത്തിൽ വ്യക്തമാക്കാൻ ശ്രമിക്കുന്നുണ്ട്. പ്രതിനായകന്മാർ ഇല്ലാത്ത എല്ലാവർക്കും നൻമ വരണമെന്ന് ആഗ്രഹിക്കുന്ന ഒരു നോവൽ.