Loke bo Sembra lo bo Kosecha

Esaki ta un kuenta di e paranan di mondi ku tabata biba riba un baranka haltu kantu di laman.Laga mi sera boso konosí ku kada un di nan. E promé tabata señorita Blenchi esta un bunita para ku su kurpa chikí su kolóbèrdè briante i ku su pik largu. Shon Chuchubi ku su plumanan pretu i shinishi tambe tabata un di nan. Su problema granditabata ku e ta gusta hòrta webu di e otro paranan. Riba e baranka ei tabata biba tambe Trupial e para ku su plumananpretu i oraño ku ta lombra bunita den solo. Su spesialidat ta; ora e kuminsá kanta tur hende ta para ketu pa skucha.Barika Hel e para gordinchi ku su barigonchi completamente hel tambe tabata forma parti di e poblashon riba e baranka.Tabatin tambe Chonchorogai ku su kùif pará den haltu i Kompa Prikichi e para ku su kolónan skèrpi hel i bèrdè ku ta bula baibin gritando henter dia. Mòfi e para chikitu maron i shinishi ku ta gusta kana abou na suela tambe tabata forma parti. I porúltimo Álablanka e para respetá pasobra e tabata esun di mas grandi riba e baranka akí.