Magkasintahan Volume II

Paano mo mailalarawan ang pag-ibig? Sabi ng iba ito ang pinakamakapangyarihan sa buong mundo. Para sa iba naman kaakibat nito ang iba pang bagay-saya pag-asa sakripisyo sakit. Ngunit para sa iba isa itong bagay na hindi maipaliwanag. Isang bagay na hindi maihahayag ng anumang salita. Taon-taon mayroon tayong araw na inilalaan upang ipagdiwang ang pag-ibig at mga pambihirang bagay na kasama nito. Ngayong darating na Araw ng mga Puso kami ay kumalap ng mga tula at maiikling kwento ng pag-ibig na magpapaalala sa atin kung gaano kasarap magmahal. Sa Magkasintahan Vol. 2 maihahayag ng mga tao sa kanilang sariling paraan kung paano binago ng pag-ibig ang kanilang mga buhay. Basahin ang mga kwentong nakaaantig ng puso at iyong mararamdaman ang samut saring mga emosyon!