Man Ke Manke / मन के मनके

Meri yeh pustak mere un manovegon se upaji kavitaon kaa sankalan hai jo mere aaspas evam mere jivan mein hone vaali ghatnaon se upajate hain. Yeh avashyambhavi hai ki aap jin logon ke sampark mein aate hain unke karyakalap se avashya hi prabhavit hote hain. Kuch log aapke man mein sakaratmak chhaap chhod jaate hain aur kuchh nakaratmak. Yeh kavi ki apni soch aur uske hriday par nirbhar karta hai ki vah kin kin tatvon se prabhavit hota hai vyathit hota hai. bas usi se manoveg upajate hain jinhen maine saraltam shabdon mein baandhane ki cheshta ki hai taki padhne vaalon ko aasani se samajh mein aa sake aur veh svayam ko kavita ke saath jod sake. Yadi aapko yeh sankalan pasand aata hai to main samjhuga ki meri yeh cheshta safal hui.