Nanmanimalai

<p>சுவைசொட்டும் கருத்துவளமிக்க உரையாடல்களைக் கொண்ட கலைஞர் அவர்களின் 'சிறு நாடகங்களி'ன் தொகுப்பே இந்நூல்! </p><p></p><p>பகுத்தறிவுக் கருத்துக்களின் ஒளிவீச்சாக - அன்பு இதயங் களின் இன்ப கீதமாக - புன்மைமனம் படைத்தோரின் பொய் யுரைகளைக் கிழித்தெறியும் அறிவு வாளாக பண்டைத்தமிழரின் வீரத்தை தன்மான உணர்வினை விளக்கிடும் உணர்ச்சிக்காவியமாக; தமிழர்தம் நெஞ்சங்களைக் கொள்ளை கொண்ட நான்கு சிறு நாடகங்கள் முறையே பரதாயணம் - திரைப்படங்களில் இடம் பெற்ற அனார்கலி-சாக்ரடீஸ்-சேரன் செங்குட்டுவன் ஆகிய இந்நூலில் அடங்கியுள்ளன. </p><p></p><p>தன்மான உணர்வும் தமிழ்ப்பற்றும் மிகுந்த தமிழ்ப்பெரு மக்களுக்கு இந்நூலினை நல்விருந்தாக வழங்குகிறோம்! குறைந்த விலையில் நிறைந்த பயனைத் தருகிறோம். என்றும்போல் ஆதரவு தருக ஆக்கம் பெருகிட; </p><p></p><p>இது ஒரு நான்மணி மாலை! </p><p>பகுத்தறிவு பரப்பிட </p><p>பாசமிகு காதலர்களின் </p><p>அன்புப் பெருக்கை விளக்கிட </p><p>உலகைத் திருத்த முனைந்த </p><p>உத்தமன் ஒருவனின் </p><p>மன உறுதிக்கு மகுடம்புனைந்திட </p><p>தமிழர் வீரம் </p><p>திக்கெட்டும் வெற்றிக்கு கொடிநாட்டிய </p><p>தீரமிகு வரலாற்றைச் சொல்லிட </p><p>இந்த நான்கு மணிகளையும் </p><p>கோத்துள்ளேன் மாலையாக! </p><p>பலமுறை கேட்டது ! படித்தது ! </p><p>அரங்குகளில் நடித்தது! இருப்பினும் </p><p>உங்கள் நூலகத்திலும் அழகுசெய்யட்டுமே </p><p>என்பதற்காக இந்த இரண்டாவது பதிப்பு வெளியிடப்பட்டுள்ளது. </p><p></p><p>வெளியீட்டு உரிமையுடைய தமிழ்க்கனி பதிப்பகத்தாருக்காக அன்பு நண்பர் மோகனவேலு அவர்கள் எழிலுற இந்த நூலைப்பதிப்பித்து வழங்குகிறார். அவருக்கு நன்றி. </p><p></p>