Njan ente rashtreeyam

വിദ്യാര്‍ത്ഥി പ്രസ്ഥാനത്തിലൂടെ രാഷ്ട്രീയത്തില്‍ എത്തിയ പി കെ ഗുരുദാസന്റെ ജീവിതാനുഭവങ്ങളുടെ പകര്‍പ്പാണ് ഈ ഗ്രന്ഥം. നാടിനെ ആകെ ഗ്രസിച്ചിരുന്ന ജന്മിമേധാവിത്തത്തിനും പ്രമാണിത്തത്തിലേക്കുയരുന്ന മുതലാളിവര്‍ഗ്ഗത്തിനുമെതിരെ നാട്ടിലുടനീളം ഉയര്‍ന്നുവന്ന തൊഴിലാളികര്‍ഷകത്തൊഴിലാളി പ്രസ്ഥാനങ്ങളില്‍ പങ്കെടുത്തു കൊണ്ടാണ് നാടിന്റെ നേതാവായി സ. ഗുരുദാസന്‍ ഉയര്‍ന്നുവന്നത്. കയര്‍ കശുവണ്ടി തൊഴിലാളികളടക്കമുള്ള പരമ്പരാഗത വ്യവസായ തൊഴിലാളികളുടെ ജീവിതനിലവാരം ഉയര്‍ത്താനുള്ള സമരങ്ങള്‍ അനേകമാണ്. ഇവയില്‍ താനും തന്റെ പ്രസ്ഥാനവും വഹിച്ച പങ്കിനെക്കുറിച്ചുള്ള അമൂല്യമായ അറിവുകള്‍ ഈ ഗ്രന്ഥം പകര്‍ന്നു തരുന്നു. അതുകൊണ്ടുതന്നെ ഗുരുദാസന്റെ ഓര്‍മ്മക്കുറിപ്പുകള്‍ ആ വ്യക്തി യുടെ ചിത്രം എന്നതിനെക്കാളേറെ ഒരു പ്രസ്ഥാനത്തിന്റെയും ആ ചരിത്രയുഗത്തിന്റെയും ഓര്‍മ്മകളാണ്. മാതൃകയാക്കേണ്ട ഈ ജീവിത കഥ വന്‍തോതില്‍ സ്വീകരിക്കപ്പെടും എന്ന ഉറപ്പോടെ.