O Mice an Men

<p><em>O Mice an Men</em> wis first published in 1937. It tells the tale o George Milton an Lennie Small twa gangrel ranch wirkers fa meeve frae airt tae airt in California sikkin oot new wirk chaunces durin the Muckle Depression in Americay. Scriever John Steinbeck foondit the novella on his ain experiences wirkin alangside traivellin fairm wirkers as a halflin in the 1910s (afore the camin o the Okies he wid brawly describe in The Grapes o Wrath). Steinbeck tuik the title frae Robert Burns' poem “To a Mouse”:</p><p>But Mousie thou art no thy-lane<br />In proving foresight may be vain:<br />The best laid schemes o’ Mice an’ Men<br />Gang aft agley.<br />An’ lea’e us nought but grief an’ pain<br />For promis’d joy!</p><p>Sheena Blackhall is a poet fa’s scrieved mair than 130 poetry volumes an fower novellas. She’s haen twa plays televeesed an puckles o e-buiks includin <em>The Chimera Institute</em> an <em>The Honey that came frae the Sea</em>. Recently wi Sheila Templeton she owersett Charlotte Brontë’s <em>Jean Eyre</em>. Her maist recent owersett is L. Frank Baum’s <em>The Winnerfu Warlock o Oz</em>. Baith o the latter buiks can be gotten frae Evertype. </p>