Oppeettu nokkil Bouthamum Thamizhum (Part-1)

பெளத்தமும் தமிழும் ஒரு சமயம் ஒரு மொழி என்னும் அளவில் மானுடத்திற்கான கருவிகளாக மட்டுமில்லை. தமிழ் என்றால் ஒரு மொழி என்ற அளவில் மட்டும் அதைப் பார்த்து விட முடியாது. ஆனால் அது ஒரு வாழ்வியல் இனவரைவியல் ஒரு தத்துவம் ஒர் இன எழுச்சியின் அடையாளம் என்றும் வரையறுக்கலாம். பௌத்தமும் அத்தகையதுதான் அது ஏனோ மானுடத்திற்கான சொர்கத்தைப் படைக்க வந்த மதமல்ல. மாறாக அது மனித இனத்தின் மான்பை வாழும் காலத்திலேயே காக்க வந்த ஓர் அரசியல் கோட்பாடு. மனதின் சரிவை மீட்டு அதை சமத்தன்மைக் கொண்டதாக மாற்றுகின்ற ஓர் அறிவியல். வாழ்வைச் சரியான கோணத்தில் அனுக வைக்கிற ஒரு கோட்பாடு வேறுபாடுகளற்ற மனித சமூகத்தினை உருவாக்குகிற ஒரு உளப்பாங்கு.