Qaxooti

<p>Buuggani wuxuu dabo socdaa buugga Kalahaadkii</p><p>Muqdisho. Waa buug ka warramaya dhibaatooyinkii ka</p><p>dhashay dagaaalkii 1991-kii ka qarxay Muqdisho iyo</p><p>barakacii baahsanaa ee ku dhacay dadka Soomaaliyeed.</p><p>Wuxuu ka hadlayaa dadkii dagaalku kala firdhiyay dalka</p><p>gudihiisa dhibaatooyinka ku habsaday iyo kuwii dalka</p><p>dibaddiisa u baxay jahawareerka ku dhacay. Buugga oo</p><p>akhristaha dhul badan marinaya wuxuu sheegayaa dadkii</p><p>qaxayay halganka ay galeen si ay naftooda u badbaadiyaan.</p><p>Dadku waxay meelo bad an kala kulmeen xarig dil iyo</p><p>faquuq kuwo badannina naftooday ku waayeen.</p><p>Markii dagaalku ka qarxay Muqdisho dadkii degganaa</p><p>magaalada in badan waxay u qaxeen waqooyiga magaalada</p><p>iyo dhinaca Beledweyne kuwo kalana dhinaca Koonfur iyo</p><p>magaalooyinkaJubbooyinka oo ay ka mid tahay magaalada</p><p>Kismaayo. Colaaddu waxay la guurtay dadkii qaxayay</p><p>waxayna muddo yar gudaheed ku faaftay dhammaan dalka</p><p>cirifka cirif. Dagaalku ma ahayn mid qabyaaladdu keligeed</p><p>ololinaysay ee waxaa qayb weyn ka qaatay hardankii ka</p><p>dhashay kala ridashada bililiqada iyo dhacii aad u baahay.</p><p>Buuggu wuxuu akhristaha marinayaa dhulal badan oo</p><p>Soomaaliya ka mid ah iyo dalal ay ka mid yihiinJabuuti</p><p>Itoobiya Masar iyo Maraykan. Dhulka Soomaaliya iyo</p><p>dalalkaas qoraagu wuxuu wax ka xusayaa taariikhda iyo</p><p>dhaqanka dadka. Waxaa akhristaha la horkeenayaa dadkii</p><p>dibadda u qaxay oo intooda badan aan af Soomaali mooyee</p><p>af kale aqoon horana aan u arag dhaqan shisheeye</p><p>dhibaatooyinkii ay la kulmeen.</p><p><br></p>