Roxy aur Shadow ki Kahani

‘Roxy aur Shadow ki Kahani’ pustak Odia upanyas ‘Chagala Au Chagali’ se anuvadit hai jo Amazon par bestseller banne ke kareeb tha. Yeh paltoo kutto aur ek khargosh ki sachchi kahani hai. Mumu ki furti Roxy ke gusse aur Shadow ki moorkhta ko lekhak ne bahut hi insaani andaaz mein dikhaya hai. Saath hi kahani ke baaki sabhi sahayak patraon ke saath bhi lekhak ne poora nyay kiya hai.Yeh upanyas jo ghar me naye mehmaan ke roop me aaye Roxy aur Shadow ke aane par khushi aur jigyaasa se shuru hota hai woh Roxy aur Shadow dono ki beemari aur maut par lekhak ke dard ke saath samaapt hota hai.Pehle adhyay me khargosh Mumu ke garv bechaini furti aur vyavhaar ko batate hue jab uski ek awara kutte ke haath maut ka zikr aata hai toh lekhak ki panktiyaan aansuon se bheeg jaati hain.Roxy ki maut ke baad Shadow bilkul akela ho jaata hai. Woh chup rehta khana nahi khata hamesha ek kone me soya rehta aur bas Roxy ko yaad karta rehta hai. Shadow ke is vyavhaar ne lekhak ko uski bhaavnaon ko likhne ke liye prerit kiya.Jab antim proofreading ke baad pustak chhapne ke liye press jaane ko taiyaar thi tabhi Shadow ne bhi dum tod diya. Isliye ek aur adhyay ‘14 January 2024’ joda gaya jisme Shadow ki maut ki hriday-vidarak kahani likhi gayi hai.Yeh pustak pasu-premiyon bachchon aur badon — sabke liye padhne laayak hai.