Sahaj Sweekriti Jeevan Ke Unmukt Vicharon Ki…

Kavita-sangrah ‘Sahaj Sweekriti’ jeevan ke vivid rangon aur gahan bhavnaon ka vah sansaar hai jahan bhakti ke saath anurodh ka swar gunjta hai. Kahin pita ki anupasthiti ka jeevan mein gahra khaali-pan hai to kahin jeevan ke har guru ke prati sammaan ki chhavi jhalakti hai. Prem ki saundhi mahak rishton ki aatmiyaata mein ghulti hai to prem mein pratiksha ke baad ki anokhi khushi hriday ke har taar ko sparsh karti hai. Prem mein mile virah ki vedna aur vichhoh adhuri ichchhaon ka saath paakar paathak ko jeevan ke doosre chhor par la khada karte hain. Wahi samaj ki upeksha mein bhi sweekriti nazar aati hai to kahin arthheen reeti-riwaz par prashn khade hote hain. Prakriti ki meethi khushboo sandhya ki shanti bhor ki ujli kirnein aur jeevan ka ullas is sangrah ko gehraai aur poornata pradaan karte hain.