SEMIOPRAGMATIKA E REALIZMIT SOCIALIST SHQIPTAR (1944-1949)

«Semiopragmatika e realizmit socialist (1944-1949) » është botuar në vitin 2013 në Shqipëri pas “Poetikës” (2000) dhe “Kadare Agolli Arapi – figuracioni në poezinë e viteve ‘60”(2011). Në vitin 2020 Ilir Yzeiri botoi edhe dy monografi të tjera. Pjesën e dytë të « Semiopragmatikës … » me titullin « Si erdhi realizmi socialist në Shqipëri » dhe një studim semiologjik për romanin « Lumi i Vdekur » me titull « Erosi dhe thanatosi në mjerim ». Ai ka nisur të gjurmojë dukuritë e shenjueshmërisë poetike në letërsinë shqiptare të realizmit socialist duke hetuar në fillim se çfarë ndodhi në procesin letrar shqiptar në vitet 1944-’45 e deri në vitin 1949 atëhere kur një kod dhe një sistem shenjash u përjashtuan dhe një kod dhe një sistem tjetër shenjash u aktivizuan për të intepretuar procesin letrar.