Shabdon ke Gharonde (Kavya-Sangrah)

“Shabdon ke Gharonde” kavya-sangrah mein mere un ehsaason vicharon aur sapnon ki jhalak hai jinhein maine apni kalam se shabdon ki mala mein piroya hai. Ye kavitaayein jeevan ke chhote-bade palon se upje bhavon ki sacchi abhivyakti hain—jismein prem ki komalta virah ki peeda aasha ki kiran aur jeevan ke prashnon ki goonj hai. Is kavya-sangrah ka naam “Shabdon ke Gharonde” isliye rakha gaya kyunki mere liye har kavita ek aisa gharonda hai jise maine apne anubhavon smritiyon aur kalpanon ke tinkon se buna hai. Is gharonde mein maine apni sanvednaon ki ret se deewaren banayi hain aur shabdon se chhat.