Shaikshik Praudyogiki evam Mulyankan

Aadhunik Yug mein shiksha ka swaroop nirantar parivartit ho raha hai. Takneek ne shikshan evam adhigam ko paramparik seemaon se bahar nikal kar ise aur zyada sulabh rochak aur prabhavshaali bana diya hai. Isi badalte paridrishya ko dhyaan mein rakhte hue yeh pustak Shaikshik Praudyogiki taiyaar ki gayi hai. Is pustak ka uddeshya sirf takneeki sadhanon ka parichay karana hi nahi balki yeh samjhana bhi hai ki kis prakar takneek ke prabhavi prayog se shikshan prakriya ko behtar banaya jaa sakta hai. Ismein e-learning smart kakshaen digital tools online platforms multimedia samagri aur shikshan navachar ko saral aur vyavaharik roop mein prastut kiya gaya hai. Yeh pustak shikshakon vidyarthiyon shodharthiyon aur shiksha se jude pratyek vyakti ke liye upyogi siddh hogi. Shikshak ismein diye gaye vicharon ko apnakar apni shikshan shaili ko aur prabhavshaali bana sakte hain wahi vidyarthi iske madhyam se digital yug mein seekhne ke naye aayam khoj sakte hain. Mera vishwas hai ki yeh pustak shiksha ke kshetra mein takneek ke saarthak prayog ke liye prerana degi aur gunvattapurn sarvsamaveshi shiksha vyavastha ke nirmaan mein yogdaan degi. Is pustak ke prakashan ke liye hum apna aabhar Dr. Sanjeeta Kumari Upnideshika Grizzly College of Education ki aur prakat karte hain ki unke margdarshan evam protsahan ka hi parinaam hai ki yeh pustak prakashit ho rahi hai. Saath hi is pustak ke prakashan mein mata-pita gurujan aur Ishwar ka pratyaksh aur apratyaksh roop se sahyog raha hai jinka hum sabhi aabhari hain. Is pustak ke lekhan mein agar koi galti ya truti reh gayi ho toh kripya dhyaan aakrisht karayen taaki agle sanskaran mein sanshodhan ke saath prakashit kiya ja sake. Aapki moolyavaan pratikriya ka sadaiv swagat rahega. Dhanyavaad!Manish Kumar Singh (Vibhagadhyaksh D.Ed.) Grizzly College of Education Jhumri Tilaiya Kodarma Jharkhand - (825409) Neeraj Kumar (Sahayak Shikshak) Madhyamik Vidyalaya Bijhari Konch Gaya Ji Bihar - (824207) Dr. Gautam Kumar (Sahayak Pradhyapak) Grizzly College of Education Jhumri Tilaiya Kodarma Jharkhand - (825409)