Sheetal Jal Ke Cheetein

din ba din mrt hotee sanvedanaen...rishton ka risaav...maanaveey jazbaaton ka abhaav aur apane ahm se oopar na uth paane kee hamaaree kriyaasheelata jab karaatee hai hamen ekaakeepan ka ehasaas to sahaj hee uth jaatee hai kalam bojhil hue man ko halka karane ke liye. kalam jo antarang mitr kee bhoomika nibhaatee hai...abhaavon/tanaavon mein hamase ghanton batiyaatee hai.... kholatee hai ye parat dar parat hyas hotee anubhootiyon ke raaj. jinhen boojhate hee vyaakul ho uthata hai hamaara man aur upajane lagatee hain jeevan ke kore kaagazon par man kee uthal puthal bhaavanaen kabhee gady/ to kabhee pady /geet/ kavita/ gazal/ kahaanee to kabhee aalekh ke roop mein. sheetal jal ke chheente yah mera pahala laghukatha sangrah hai. naagapur damua (chhindavaada) aur bhopaal mere karmakshetr rahe. kaaryakshetron mein sakriy rahate hue vipareet paristhitiyon mein bhee kalam poore aatmabal ke saath mera saath nibhaatee rahee. saahityik mitron ne anekon baar sankalan nikaalane ke lie jor diya. vaise saamoohik sangrah chaar-paanch aaye lekin maang thee nijee sankalan kee jo chhotee bahan narindar kaur basara aur bhaanjee ranjeeta ke nirantar utsaahit karate rahane se hee sambhav ho pa raha hai. is sankalan ke kavar pej se lekar poore praar oop ko jimmedaaree se taiyaar karane kee bhoomika ranjeeta basra jise ham ghar mein ruby ke naam se pukaarate hain ne hee nibhaee hai. yah kahana atishyokti nahee hogee ki yah sangrah usakee ekal mehanat ka parinaam hai.