Shukrana / शुकराना : Anubhav Karen Brahmand Ka Jadu...

Aaj ke hamare chaaron or ke maahaul ki vajah se ham kahin na kahin kabhee na kabhee un sabhee cheezon ka shukriya ada karana bhool jaate hain jo jaane anajaane hamari madad karate hain. Ham ve sabhee cheezen bhool jaate hain jo hamare paas upalabdh hain bajaye iske ham un sab cheezon ke liye chintit aur vichlit ho uthate hain jo ya to hamare paas nahin hain ya phir jise ham paana chahate hain. Apani kitab Shukrana - Anubhav karen Brahmand Ka Jadu... mein maine inhin sab baaton ko vistaar purvak prastut kiya hai aur shukraguzaar rehane ki anekon aisee sehaj vidhiyaan batai hain jise ham apani rojamarra ki zindagi mein aasaani se apana sakate hain aur sakaratmak urja ka aakarshan anubhav kar sakate hain. Yeh pustak purnatah nizi ghatanaon aur vastavik tathyon par aadhaarit hai jiska laabh aap sab avashya len!