Spandan: Bhavnaon ki lay~~~

Spandan'' kavayitri ke hridaygat bhavon ka ek spandan hai jismein chhoti-badi 21 kavitaayein hain. In kavitaon ko — ya kahen ki bhav-shrinkhalaon ko — kavayitri ne koi naam nahi diya hai. Ye hriday ke sahaj bhav hain jo kisi vyakti paristhiti ke sampark mein aane se ya bhoge dekhe-sune anubhav se anayās jagrit hue aur lekhani ke maadhyam se pannon par utar gaye. Pathakgan apne hriday ki samvedna ke star par bhav-samānjasya kar rasasvaadan mein saksham ho sakte hain.