Srashta Kala Purush

“Srashta” kavya-sangrah ki sabhi kavitaayen mere jeevan ke aatmik anubhav se judi hui hain. Ismein aisa kuch bhi nahi hai jiske liye kalpana ka bahut adhik aashray liya gaya ho. Pehli kavita “Maun” ki kahani yeh hai ki Navratri mein nau din maun raha aur isi ka pratiphal kavya ke roop mein aaya. Aise hi “Jam se pada jhamela” “Kala Purush” “Aatmarag” “Assi Ghat” jaisi kavitaayen bhi gehre aatmamanchan ki upaj hain. Is sangrah ki kavitaon mein ek bhavuk hriday ko na samjhe jaane ka vikshobh bhi hai. Aatmadikkaar aur aatma–parishkaar dono yahan dekhne ko mil jaate hain. Acharya Shukla ji ke shabdon mein kahen to viruddhon ka aatma-samansya jaisa kuch-kuch maamla hai. Kuch kavitaon mein aas-paas ke parivesh aur kuch mein prakriti ke naisargik swaroop mein jhaankne ki bhi baalsulabh cheshta ki gayi hai.