Tadap Ek Ladki Ki

‘Tadap Ek Ladki’ ek rahasyamay upanyas hai jo romanch se bhara hua aur prem-ras se plavit ek adbhut kruti hai. Kenra Bank ke Rajpipla shakha mein ek bank dakaeti hoti hai jismein dakaeton dwara sau karod rupaye aur Rajpipla gharane ke mulyavan paramparik alankar-abhooshan loot liye jaate hain. Is dakaeti ne sarkar aur police dono ko hila kar rakh diya. Police ki kai teamon ke athak prayaas ke baad bhi na to dakaeton ko pakda ja saka aur na hi loote gaye rupayon aur abhooshanon ko prapt kiya ja saka lekin police ke adhik dabav ke karan dakaeton ne bhi un rupayon aur gehno ko aapas mein batwara nahi kar paaye.Pakde jaane ke bhay se un logon ne us dhan ko ek aise gupt sthan par chhupa diya jahan se ek baar nikal jaane ke baad wahan pahuchna bahut adhik kathin tha aur jis gupt sthan par use chhupaya gaya us sthan ka bhi pata lagana sambhav nahi tha. Atah un logon ne use ek kavita-koot ke dwara sanrakshit kar diya aur us koot ko ek doosre ko bata diya gaya taki bhavishya mein samay padne par us gupt sthan tak pahuch sakey. Lekin isi beech ek doosri dakaeti mein dakaeton ke teen sadasyon ko pakad liya jaata hai aur unhein aajeevan kaaravaas ho jaata hai. Baaki bache do sadasya bhay ke karan Gujarat rajya chhod dete hain aur anya aparadhik kshetron mein apna pair jama lete hain.Samay beetne ke saath unke mastisk se wah koot bhi vismrit ho jaata hai.Bees varshon ke baad unke teen sadasya jab kaara se chhutkar aate hain tab us gupt dhan ko prapt karne ke liye phir shuru hota ek sangharsh aur isi beech chalti hai Vandana aur Aryan ki prem kahani.