Tapasvini evam Ashok Parivritt

About the Book: Tapaswini (Kavya Sangrah) Veervar Lakshman ji ki tapaswini patni Urmila ke kathin jeevan ke sopan ka varnan hai jo uski tapasya tyaag ki bhoomika ka kramashah shashth sopanon mein vibhajit hai. Evam Ashok Parivrtt (Kavya Sangrah) Mahatma Buddha ka parichay evam Ashok Samrat ke jeevan kaal ka chandabaddh karke likha gaya hai. Ukt pustak ke kshama prakashan mein yadi koi swajan kisi prakar ki truti paaye to apna samajh kar mujhe karne ki kripa karenge. About the Author: Main Satish Dhyani jyesth putra Swargiya Ganga Prasad Dhyani zila Lucknow (Uttar Pradesh) ka sthal?ya nivaasi hoon. Meri shaikshik yogta para-snatak (sahityik varg) Lucknow Vishwavidyalaya se hui hai. Kuch samay poorv ek nij? sansthan se sewanirrit hua hoon. Mere poojya pitaji ek shikshak svatantrata senani evam Sanskrit Hindi ke marmagya kavi evam lekhak bhi the. Unki prakashit kruti Badreekashram Prakriti Chitran (Sanskrit se Hindi anuvaadit sankalan) evam aprakashit krityan Tapaswinievam Ashok Parivrtt hain. Jinhen main sheeghr hi unki punyatiithi ke avsar par prakashit karwane ja raha hoon. Apne pitaji se agadh lagav hone ke karan mujhe unhi se lekhan ki prerna mili jo maine apne shikshan kaal se hi aatmasaat kar li thi. Gat varsh 2023 mein meri prakashit kruti Aseem Vedna ke Aansoo ka pratham sankalan Hindi bhasha mein kareeb 100 kavitaon ka prakashan hua tha. Mujhe nirantar lekhan ki ruchi evam mera prayaas raha hai. Maine apni bhavanao ko smritiyon ki maala mein pirokar unhein apni nij? diary mein sankalit kiya hai.