TEN SLOTTE

<p>Eben Etzebeth is die speler wat al die meeste toetswedstryde in Suid-Afrikaanse rugbygeskiedenis gespeel het. Op die veld word hierdie slot se intelligensie energie en aggressie gerespekteer en bewonder</p><p></p><p>Hy is lid van die senior Springbok-leierskapspan en speel 'n groot rol in 'n ongelooflik suksesvolle era wat twee agtereenvolgende Wêreldbekers en die groep se huidige posisie van twee jaar boaan die wêreldranglys insluit.</p><p></p><p>In hierdie eerlike en onderhoudende vertelling beskryf Eben van die vernaamste faktore van sy sukses en hoe hy gefokus bly - op en van die veld af. Van sy nederige kinderjare in Goodwood - 'n voorstad van Kaapstad waar niks maklik kom nie - regdeur sy vroeë klubloopbaan tot by sy swaar verdiende plek in die Suid- Afrikaanse nasionale span vertel <em>Ten Slotte </em>die persoonlike kant van sy loopbaan en wat dit geverg het om 'n wêreldkampioen te word.</p>