Wajan Kam Karne Ke Vaigyanik Tareeke / वजन कम करने के वैज्ञानिक तरीके

<p>Pradeep Kumar Pandey aapke liye lekar aaye hain unki dusri kitab Wajan Kam Karne Ke Vaigyanik Tareeke jismein unhone weight loss ke un jaruri tareekon ke baare mein bataya hai jinka vaigyanik research papers mein pramaan bhi milta hai. Pradeep Kumar Pandey ek engineering graduate hain. Health weight loss aur nutrition mein diploma karne ke baad unhone ye kitabein likhi hain jisse logon tak wajan kam karne ke safaltam tareeke saral bhasha mein pahuchaya ja sake. Is kitab mein diye gaye upayon se unhone na sirf apna balki apne nikat-sambandhiyon ka bhi wajan ghataya hai aur we in tareekon ko unke pathakon ke sath share karne ke liye utsahit hain. Is kitab mein aap wajan badhne ke mukhya kaaranon ke baare mein janenge aur kaise aap unhein rok sakte hain sath hi sath bahut si bimariyon se bhi bachenge aur apne hospital aur medical ke kharche bhi kam kar payenge. Pustak achchi tarah se shodhit hai aur jagah-jagah par vaigyanik studies aur nishkarshon ka hawala diya gaya hai. Is kitab mein lekhak ne wajan se sambandhit tamaam muddon jaise nind insulin resistance maansik tanaav intermittent fasting calorie deficit NEAT ityadi par prakash daalne ka prayas kiya hai. Agar aap apna wajan kam karna chaahte hain to ye kitab aapke liye meel ka patthar saabit ho sakti hai. Is kitab ko padh kar na sirf aap apna wajan kam kar payenge balki ye kitab aapke liye ek swasth jeevan jeene ki upyogi margdarshika saabit hogi vastav mein ek amulya sampatti!</p>